Kujdes: Këto janë shenja se ju mungon vitamina D

Vitamina D ndihmon në forcimin e eshtrave dhe muskujve, ndërsa mungesa e saj mund të çojë në probleme shëndetësore

Mungesa e vitaminës D ka qenë e lidhur me sëmundjet e zemrës, zorrën e trashë, prostatën dhe më shumë.

Shikoni disa nga simptomat kryesore të mungesës së vitaminës D që mund të keni lënë pas dore.

– Dhimbje muskulore dhe kockore

Dhimbja e vazhdueshme e këtij lloji është një nga shenjat kryesore të mungesës së vitaminës D. Trupi juaj ndalon ndërtimin e masës kockore rreth moshës 30- vjeç, dhe mungesa e vitaminës D mund të përshpejtojë ose përkeqësojë simptomat e osteoporozës.

– Shpesh ndjehesh i trishtuar A jeni i trishtuar gjatë gjithë kohës pa ndonjë arsye të veçantë? Depresioni dhe lëkundjet e humorit shpesh shoqërohen me mungesë të vitaminës D. Serotonina, hormoni përgjegjës për gjendjen shpirtërore, stimulohet në varësi të sasisë së vitaminës D. Shumë studime kanë treguar që ekspozimi i shtuar në diell mund t’i bëjë njerëzit më të lumtur.

– Sëmundja kronike e mishrave

Vitamina D e mjaftueshme është gjithashtu e rëndësishme për shëndetin tuaj oral. Paradentoza është një gjendje kronike ku bakteret bëjnë që mishrat e dhëmbëve të fryhen dhe të prishen. Disa studime tregojnë për rolin e drejtpërdrejtë të dritës së diellit në zvogëlimin e rrezikut të paradentozës.

-Tensioni i lartë i gjakut

Hipertensioni, i njohur edhe si presion i lartë i gjakut, është një tjetër shenjë që trupi juaj nuk ka sasi të mjaftueshme të vitaminës D. Studimet tregojnë se ekziston një lidhje midis vitaminës D dhe hipertensionit.

– Lodhja dhe përgjumja

Nëse ndjeheni të lodhur pa asnjë arsye, atëherë mund të jetë pasi trupi juaj është më pak i ekspozuar ndaj diellit dhe burimeve të tjera të vitaminës D. Hulumtimi ka lidhur mungesën e vitaminës D me sindromën e lodhjes kronike. Nivele të ulëta të vitaminës D në trup do t’ju bëjnë të ndiheni letargji. Kjo simptomë është veçanërisht e theksuar te të moshuarit.

– Ndryshimi i humorit Siç u përmend më herët, receptorët e vitaminës D janë gjetur në shumë pjesë të trurit që ndikojnë në disponimin dhe emocionet tuaja. Studimet tregojnë se mungesa e vitaminës D është e lidhur ngushtë me sëmundjet mendore si stresi, ankthi dhe depresioni.

– Mbipesha

Hulumtimet tregojnë se mungesa e vitaminës D shoqërohet me zhvillimin e mbipeshës dhe rrit rrezikun e ndërlikimeve të lidhura me mbipeshën. Vitamina D ndihmon pacientët obezë të humbin peshë. Nëse po fitoni shpejt peshë të tepërt, edhe nëse ushtroni rregullisht dhe nuk përmbaheni nga ngrënia e tepërt, mungesa e vitaminës D mund të jetë një nga shkaqet kryesore.

-Probleme me tretjen

Mungesa e vitaminës D mund të ndikojë në problemet e tretjes. Ajo ndihmon sistemin tuaj të tretjes të thithë yndyrat si duhet. Mungesa e vitaminës D mund të çojë në probleme të shumta të zorrëve si intoleranca e glutenit, sëmundja inflamatore e zorrëve dhe sëmundja e Crohn.

-Alergjitë

Hulumtimet tregojnë se mungesa e vitaminës D gjithashtu luan një rol në zhvillimin e shumë reaksioneve alergjike. Vitamina D luan një rol të rëndësishëm në mbajtjen e shumë alergjive duke rregulluar sistemin imunitar. Disa nga alergjitë që lidhen me këto situata përfshijnë astmën, alergjitë ushqimore, ekzemën, rinitin alergjik dhe anafilaksinë.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).