Kujdes, edhe policia kufitare ju vëzhgon kur përdorni armën nëpër ahengje e dasma

Gjilan – Policia e Kosovës Njësitet e policisë kufitare gjatë patrullimit, kanë dëgjuar të shtëna me armë në një aheng familjar – dasmë në Viti.

Policia ka reaguar menjëherë, duke u paraqitur në vendin ku ka dëgjuar të shtëna, me ç’rast i dyshuari shqiptar është paraqitur vullnetarisht dhe e ka dorëzuar armën, revolen e llojit ZVOR 70 kalibri 7.65 mm, prodhim Çekosllovak, e cila është konfiskuar nga ana e policisë ndërsa i dyshuari është intervistuar në lokalet e stacionit policor në Viti.

Rasti i referohet PTH-së në procedurë të rregullt njoftoj Ismet Hashani./rajonipress/