Kujdes dozën e kafes, na shkakton vdekjen

Në qoftë se konsumoni kafe me doza të shumta, ajo mund të na sjellë edhe vdekjen. Të gjithë personat që janë të apasionuar pas saj, duhet të dinë se ndonëse është një nga pijet më të shëndetshme, ajo edhe mund të na sjellë probleme, kjo si pasojë e dozave të larta helmuese.

Duke i’u referuar National institute of Health në SHBA, në rastet e abuzimeve me pije të tilla, mund të provokohet një helmim nga kafeina, mund të shkaktohen probleme në frymëmarrje. Jo vetëm kaq, por pasojat mund të jenë edhe me temperaturë të lartë, aritmi kardiake, marrje mendsh dhe në rastet më ekstreme, mund të çojë edhe drejt vdekjes.

Të gjitha këto efekte negative vijnë si pasojë e dozave të shtuara. Më konkretisht, bëhet fjalë për një helmim të vërtetë, në rastet kur konsumohen 500 deri në 600 miligramë kafeinë në ditë. Limiti i lejuar është 200 deri në 300 miligramë kafeinë. Kjo sasi do ti bënte mirë shëndetit tonë.