Kufoma e gjetur në binarët e trenit është e një 17-vjeçari shqiptar

Familjarët kanë bërë të ditur se viktima është Leon (Lulzim) Sahiti, 17 vjeçar nga Thuni, me prejardhje nga rrethi i Pejës.

Në mëngjesin e hershëm të ditës së shtunë, në binarët e hekurudhës në qytetin Thun të Kantonit të Bernës është gjetur një kufomë e një personi të gjinisë mashkullore.

Siç ka shkruar edhe albinfo.ch, personi i gjetur në afërsi të stacionit hekurudhor të Thunit ende nuk është identifikuar, në mënyrë zyrtare shkruajnë mediet zvicerane. Mbi bazë të të dhënave të deritashme, policia konsideron se bëhet fjalë për një vdekje aksidentale, gjegjësisht personi i gjetur është viktimë e goditjes nga treni.

Ndonëse zyrtarisht personi i vdekur ende nuk është identifikuar, policia thotë se ka indicie konkrete për identitetin e tij. Ndërsa shtypi në Kosovë dhe familjarët në Zvicër e në Kosovë kanë bërë të ditur se viktima është Leon (Lulzim) Sahiti, 17 vjeçar nga Thuni, me prejardhje nga rrethi i Pejës.

Pasi që të shtunën, rreth orës 6 e 55 kishin marrë njoftimin për kufomën e gjetur, policët dhe forcat e shpëtimit kanë dalë në vendin e ngjarjes dhe kanë gjetur personin e pajetë. Më pas mjeku ka konsgtatuar vdekjen e tij.

Hetimet rreth rastit janë duke u zhvilluar.

Kufoma e gjetur në binarët e trenit është e një 17-vjeçari shqiptar

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).