Kuçi: Qeveria do të përgatisë planin e tranzicionit për EULEX-in

Zëvendëskryeministri Hajredin Kuçi ka informuar kabinetin qeveritar me procesin e tranzicionit të EULEX-it që ka qenë temë e diskutimeve dhe takimeve të zhvilluara në Bruksel dhe për obligimet që dalin nga rezoluta e miratuar të enjten në Kuvendin e Kosovës.

Zëvendëskryeministri Kuçi ka thënë se Qeveria e Kosovës do të përgatis një plan në detaj të tranzicionit deri në fund të muajit gusht.

Ai po ashtu tha se do të përgatiten ndryshimet e nevojshme legjislative, do të bëhet një rishikim organizativ i organeve të drejtësisë si dhe institucionet e qeverisë do të marrin përgjegjësitë dhe duhet të plotësojnë kapacitetet e veta. /Telegrafi/