Kuçi: Ose të rishikohet marrëveshja e demarkacionit, ose të zgjidhet me arbitrazh
RajoniPress
15:01, 25 Prill, 2016
Ministri i Drejtësisë, Hajredin Kuçi ka thënë se kufiri Kosovë – Mali i Zi kurrë nuk është vendosur nga shqiptarët.
“Përcaktimi i kufijve me Malin e Zi gjithnjë ka qenë progresiv herë pak metra andej, herë pak metra këndej. Kemi dy zgjidhje, e para rishikimi i marrëveshjes ose rasti të zgjidhet në arbitrazh” ka thënë Kuçi, njofton Klan Kosova.
Kuçi këto komente i ka bërë gjatë konferencës “Kufijtë në të drejtën ndërkombëtare – kontestimi dhe njohja” që e organizoi Fakulteti Juridik në koordinim me Katedrën Ndërkombëtare.
