Kuçi: Na lejoni të punojmë

Deputeti i Kuvendit të Kosovës nga radhët e AAK-së, njëherësh sekretar i përgjithshëm i kësaj partie, Blerim Kuçi, ka kërkuar nga opozita që t’i krijojë kryeministrit të ri hapësirë të nevojshme për punë, pastaj të flasë për punën e tij.

Në një intervistë për gazetën ‘Epoka e Re’, Kuçi ka thënë se opozita nuk duhet të jetë vetëm aktive, por edhe konstruktive.

Ai ka treguar se Qeveria e re do t’i ketë tri objektiva kryesore: forcimin e sovranitetit, ndaljen e ikjes së të rinjve dhe funksionalizimin e të gjithë mekanizmave shtetërorë.

Në këtë intervistë Kuçi ka folur edhe për çështjen e ministrit të Bujqësisë, Nenad Rikalo.

Ai ka theksuar se me këtë rast duhet të merren organet kompetente shtetërore.