Kuçi: LDK të koordinohet për zgjedhjen e presidentit

​Partia Demokratike e Kosovës (PDK), pret që partneri i tyre i koalicionit Lidhja Demokratike e Kosovës (LDK), të koordinohet sa i përket zgjedhjes së Hashim Thaçit për president.

Nënkryetari i PDK-së, Hajredin Kuçi duke komentuar deklaratat e fundit të disa zyrtarëve të lartë të LDK-së se nuk do të bëjnë kuorumin në momentin kur do të dalë për votim Thaçi për president, ka thënë se kjo është çështje e LDK-së që të koordinohet për të respektuar marrëveshjen e koalicionit.

“Ne kemi koalicion me LDK-në dhe ata mbetet të koordinohen”, ka thënë Kuçi, për ORAinfo.

Ndryshe, deputetja e LDK-së, Vjosa Osmani ka deklaruar dje se nuk do të votoj për Hashim Thaçin në krye të Presidencës së Kosovës.

“E kam thënë dhe vota ime është publike. Ditën që zoti Thaçi të kandidojë për president në Kuvend nuk do të ketë kuorum për zgjedhjen e tij.

Opozita ka thënë se nuk do të merr pjese si dhe shumë deputet të LDK-së”, ka thënë Osmani.