Kuçi kërkoi hetim për të burgosurin e falur nga Presidentja

Zëvendëskryeministri dhe ministri i Drejtësisë, Hajredin Kuçi ka kritikuar Presidenten Atifete Jahjaga, që fali vetëm dy të burgosur, me rastin e 6 vjetorit të pavarësisë së Kosovës.

Ministri Kuçi ka konfirmuar se ka kërkuar nga Inspektorati Korrektues i Kosovës që të hetojë rastin e një të dënuari i cili është falur nga Presidentja.

“Pasi kam marrë një informatë nga mediat dhe një telefonat nga Presidentja e Kosovës, Atifete Jahjaga e cila gjatë tërë kohës, zyra e saj respektivisht ka anashkaluar Ministrinë dhe kabinetin e ministrit dhe nuk është hera e parë që ndodh kjo”, tha Kuçi.

“Në raportin për vlerësimin për të dënuarin e falur thuhet: Rreziku për recidivizëm ku është rubrika vlerësimi i rrezikshmërisë për recidivizëm vlerësohet të jetë i mesëm pasi ndodhet për herën e katërt për mbajtje të dënimit. Kjo ka qenë edhe në Zyrën e Presidentes. Kam kërkuar nga Inspektorati Korrektues i Kosovës të bëjë hetim”, ka thënë Kuçi, teksa është përgjigjur sot në pyetjen parlamentare nga deputetja e Lëvizjes Vetëvendosje, Albulena Haxhiu, transmeton Koha.net. /Telegrafi/