Kuçi: Asnjë gjykatë e botës s’e rrëzon Thaçin president

Hashim Thaçi mund të sfidohet në Gjykatën Kushtetuese, ai do të sfidohet gjatë pesë vjetëve të tija të ardhshme, mirëpo ne do të jemi të kujdesshëm e nuk do të lejojmë që asnjë gjykatë e botës ta rrëzojë Thaçin President”, ka thënë ai.

I ftuar në Zonën e Debatit në Klan Kosova, Ministri i Drejtësisë, Hajredin Kuçi, ka folur për krizën politike në vend dhe për seancën e jashtëzakonshme të ditës së nesërme ku pritet të zgjedhet presidenti i Kosovës.

Ai ka thënë se në rast se Hashim Thaçi zgjedhet si i pari i vendit, procedura mund të shkojë në Gjykatën Kushtetuese, por sipas tij ata do të jenë të kujdesshëm në argumentet e tyre.

“Hashim Thaçi mund të sfidohet në Gjykatën Kushtetuese, ai do të sfidohet gjatë pesë vjetëve të tija të ardhshme, mirëpo ne do të jemi të kujdesshëm e nuk do të lejojmë që asnjë gjykatë e botës ta rrëzojë Thaçin President”, ka thënë ai.

Kuçi: Thaçi dorëhiqet, pas shpalljes së rezultateve të votimit

Ministri i Drejtësisë dhe njëherit nënkryetari i Partisë Demokratike të Kosovës, Hajredin Kuçi, ka thënë se HashimThaçi kryetari i PDK-së, që të premten pritet të zgjedhet president i Kosovës, do të dorëhiqet nga posti udhëheqës në parti, në momentin që shpallen rezultatet e votimit për president në Kuvendin e Kosovës.

“Dorëheqja e Thaçit nga pozita në PDK, do të jetë në momentin kur shpallen rezultatet nga votimi i presidentit”, ka thënë Kuçi në emisionin Zona e Debatit në Klan Kosova.