Ku shkojmë
RajoniPress
08:37, 20 Dhjetor, 2020
Poezi nga Arben Kurteshi
Ku shkojmë ne kur na merr gjumi
Kur mbyllim sytë, ëndërrojmë
Atje lart, diku në qiej
Kur hapim krahët, fluturojmë!
Ku shkojmë ne, kur na merr gjumi
Atje diku, ku s’ka kufi
Ku shpresat tona, kurrë nuk vdesin
Ku gjithçka është, mrekulli!
Ku shkojmë ne, kur na merr gjumi,
Dhe kur prapë, sytë hapim vet
Kur sheh shumëçka, rreth e rrotull
Kur ne kthehemi n’realitet!
