Ku luan Gashi, shqiptarët janë pas tij

Sulmuesi i Kombëtares shqiptare, Shkëlzen Gashi e ka kryer dënimin e marrë nga MLS për një ndeshje mos lojë.

Anëtari i ekipit amerikan Colorado Rapids u dënua pasi hyri në fushë javën e kaluar për të festuar, ndërsa në ndeshjen e mbrëmshme ka qenë në tribunë në udhëtim tek DC United.

Por edhe pse ishte i dënuar, Gashi është befasuar nga tifozët shqiptarë në Amerikë që kanë shkuar në stadium për ta përkrahur atë.

Në një foto të publikuar nga futbollisti në faqen e tij zyrtare në Facebook, Gashi i ka falënderuar ata për mbështetje. /Telegrafi/