Kthehet koha e mesjetës në Gjilan- qytetarët ndihen të terrorizuar

Gjilan – Mungesa e ndriçimit publik në lagjet më të mëdha të Gjilanit si dhe jo serioziteti i pushtetit komunal për të ofruar shërbime elementare jetese ka bërë që qytetarët të pyesin me të drejtë: Çfarë po ndodhë me Komunën e Gjilanit. Lagja e tetë ndër më të mëdhat në qytet ka tre ditë që nuk ka ndriçim. “Tana po thonë mos e lëshoni Kosovën. Veç mos mujsha se një minutë nuk rri” shprehet i mllefosur një banor i kësaj lagjeje.

Gjilani sërish kthehet në kohën e mesjetës. Kjo falë jo seriozitetit të pushtetarëve të cilët as që po brengosen se një pjesë e qytetit jeton si në kohën e mesjetës. Lagja e tetë dhe disa të tera në qytet ka tri ditë që përballen me mungesën e ndriçimit publik si një nga nevojat më elementare. Kjo ka bërë që shumë qytetar të ndihen të terrorizuar dhe të poshtëruar nga qeverisja aktuale.

Një banor i lagjes së tetë i cili tha se e ka votuar LDK në zgjedhjet e fundit ndihet shumë i trishtuar pasiqë ora 8 e mbrëmjes nuk guxon të dal të eci në lagje. “Këtu nata pa ndriçim është e frikshme sepse ka vjedhje shumë dhe nuk guxoj as të dali e të eci natën. Nuk e di se çka po ndodhë me këtë pushtet. Investime s`ka, punësime s`ka. Tana thonë mos e lëshoni Kosovën. Veç mos mujsha se asnjë minutë nuk rri” shprehet i revoltuar ky banor.

Zyrtarë komunal ndërkaq nuk kanë ndonjë përgjigje të qartë se pse po ndodhë ky reduktim ose ndërprerje e ndriçimit publik, me përjashtim të asaj se “dieta buxhetore” i ka detyruar të marrin këtë hap./rajonipress/