Kthehen maskat, grabisin furgonin me pasagjerë në askin Milot-Burrel

Burrel- Grabitet me armë e maska një furgon me pasagjerë. Ngjarja ka ndodhur mëngjesin e sotëm, kur një furgon i linjës Dibër-Tiranë është ndaluar nga dy persona të maskuar dhe të armatosur në tunelin e Shkopetit, në aksin Milot-Burrel.

Sipas pasagjerëve, të dy personat e paidentifikuar kanë arritur tu grabisin atyre dhe drejtuesit të furgonit unaza dhe sende të tjera floriri, si dhe një shumë të konsiderueshme parash që e kishin me vete.

Për ngjarjen nuk është depozituar denoncim në polici, pasi pasagjerët dhe shoferi janë frikësuar si pasojë e kërcënimeve për jetën që kanë marrë nga dy grabitësit.(BalkanWeb)