Kamenicë – Ndjehemi shumë të lumtur e krenar që patëm mundësi t`i vizitojmë fshatrat: Shipashnicë e epërme e Shipashnicë e poshtme, Dajkoc, Muqiverc, Rogaqicë, Topanicë, Koretin, Berivojcë e Kamenicë duke i ndihmuar familjet me pako ushqimore e higjienike të dhuruara nga donator vendor ka thënë Rexhep Morina.
Morina i ka falënderuar nga zemra donatorët që patën mundësi t`i gëzojnë familjet për festen e Bajramit, por ka falënderuar edhe vullnetarët e KK dega Kamenicë.
Ndryshe sipas Rexhep Morinës dega e Kryqit të Kuq në Kamenicë gjatë muajit të Ramazanit ka shpërndarë 315 pako ushqimore dhe higjienike si dhe 3125 kg miell.
“Këto ndihma janë shpërndarë për familjet me gjendje të rënd ekonomike, nënat vetushqyese, dhe familjet me persona me aftësi të kufizuara, gjithsejtë 315 familje me 1585 anëtarë” ka thënë Morina./rajonipress/
