Kryeziu: Më vjen mirë për çdo lojtar që vendos të luajë për Kosovën

Mesfushori i Zurichut, Hekuran Kryeziu, ka folur për numrin e madh të futbollistëve shqiptarë që po vendosin të luajnë për Kosovën

Kosova është duke i zhvilluar përgatitjet për dy ndeshjet në Ligën e Kombeve, kundër Maltës dhe Azerbajxhanit.

Para këtyre dy ndeshjeve, Kosova ka marrë lajm të mirë nga FIFA, pasi portieri Arijanet Muriqi ka marrë dritën e gjelbër nga FIFA për të luajtur për Kosovën, përcjell albinfo.ch.

Mesfushori i Zurichut, Hekuran Kryeziu, ka folur për numrin e madh të futbollistëve shqiptarë që po vendosin të luajnë për Kosovën. “Ndeshja ndaj Maltës nuk do të jetë e lehtë, por ne shkojmë për tre pikë, ne duhet të kryejmë punën tonë, duhet të shikojmë se çfarë do të bëjë Azerbajxhani”, ka deklaruar Kryeziu, duke shtuar: “Më vjen mirë për çdo lojtar që vendos të luajë për Kosovën, ne lojtarët dhe gjithë stafi i presim mirë, dy prej tyre unë i njoh, kemi luajtur së bashku në Zvicër, normalisht se unë folur mirë për Përfaqësuesen”, shtoi tutje mesfushori shqiptar.

Edhe mbrojtësi Amir Rrahmani është shprehur optimist për këto dy ndeshje. “Detyra jonë është që ta fitojmë çdo ndeshje. Duhet të fitojmë ndaj Maltës dhe pres që edhe ndaj Azerbajxhanit të dalim me rezultat pozitiv”, ka deklaruar Amir Rrahmani.

https://www.albinfo.ch/kryeziu-me-vjen-mire-per-cdo-lojtar-qe-vendos-te-luaj-per-kosoven/