Kryeziu akuzon komunën se nuk u del në ndihmë banorëve të Uglarit

Gjilan – Këshilltarja komunale nga radhët e LVV ka thënë se kjo është gjendja e lumit Mirusha që kalon nëpër fshatin Uglar. Kundërmimi i ujërave të zeza ka shkaktuar telashe të mëdha për banorët, ankesat e të cilëve janë të panumërta, e sidomos gjatë muajve të nxehtë të verës. Kjo gjendje ka ardhur deri në këtë pikë nga mosinteresimi i organeve kompetente komunale, që të paktën një herë në vit ta bëjnë pastrimin e shtratit të lumit.

“Edhe sot, njëjtë sikur edhe disa herë të tjera, disa banorë të fshatit kanë marrë iniciativë që këtë punë që do të duhej ta bënte komuna, ta bëjnë vet. Në orët e hershme të mëngjesit të sotëm ata kanë filluar pastrimin e shtratit të lumit, me shpresën se sadopak do ta largojnë kundërmimin e tmerrshëm që është kthyer në ankth për banorët e Uglarit” ka shkruar Kryeziu./rajonipress/