Kryetari i FFK-së Agim Ademi me bashkëpunëtor viziton KF Dardana

Njeriu i parë i futbollit të Kosovës, Agim Ademi, së bashku me sekretarin gjeneral të FFK-së dhe bashkëpunëtorëve tjerë, ka vizituar KF Dardana e cila bën pjesë në Ligën e Dytë të Kosovës në futboll.

Ademi nga afër ka parë punimet e stadiumit të Dardanës që po merr një kahe tërësisht të modernizuar.
Gjerë më tani në këtë stadium janë në përfundim të gjitha përgatitjet, ka mbetur që vetëm fusha qendrore të rregullohet dhe kjo pjesë shumë shpejt mbetet për të përfunduar.

Njeriu i parë i futbollit të Kosovës, Agim Ademi ka shpërndarë, KF Dardanës, disa rekuizita sportive dhe nga afër me bashkëpunëtorët ka bërë një rezyme për punët që janë kryer në stadium.

Kryetari i FFK-së, Agim Ademi ka theksuar.”Jemi të vetëdijshëm për vështirësitë me të cilat po ballafaqoheni, sepse njerëzit ende po hezitojnë të investojnë e të financojnë nëpër klube sidomos ato të rangut të ulët, do të bëjmë çmos t’ju ndihmojmë në të gjitha fushat sepse ju një gjë të tillë e meritoni”.

Stadiumi i qytetit në Dardanë është veshur me ngjyrat “bardh e kaltër”, ngjyra të KF Dardana./rajonipress/