Kryetari i Federatës Karatesë së Kosovës Avni Gashi viziton klubet e Anamoravës

Gjilan – Kryetari i sapo zgjedhur i FKK-së, Avni Gashi, ka vizituar klubet e karatesë në Anamoravë, ku u zotua se klubet do ta kenë përkrahjen e tij. Kryetari Avni Gashi para disa ditësh është zgjedhur kryetar i ri i Federatës së Karatesë, në Kuvendin e jashtëzakonshëm pas dorëheqjes së ish-kryetarit Ismet Krasniqi, i cili tani është në pozitën e kryetarit të Komitetit Olimpik të Kosovës.

Kryetari i ri i kësaj Federate, Avni Gashi, është pritur nga klubet dhe trajnerët e qytetit të Gjilanit, duke i dhënë përkrahje të fort që sporti i karatesë të arrijë rezultate edhe më të mëdha .

Avni Gashi u zotua se çdo klub do të ketë përkrahje nga federata për të mirën e karatesë së Kosovës dhe garuesve. Në Regjionin e Anamoravës bëjnë gjithsej 7 klube të Karatesë të cilat zënë vend meritorë në Karatenë e Kosovës.

Trajneri i KK “AS” nga Gjilani, Alban Beqiri, ka theksuar se kryetari i ri do ta ketë përkrahjen e të gjitha klube nga Anamorava. “Ne që nga fillimi kemi qenë që Avni Gashi të jetë kryetar i ri i FKK-së, ne si klube kemi njoftuar kryetarin e ri për nevojat emergjente për klubet e Anamoravës, për të pasur cilësi edhe më të mëdha, kemi marrë një mbështetje që në të ardhmen të na ndihmohet me kapacitetet të cilat i posedon Federata. Njeherit kryetari nga afër ka përcjellë edhe disa stërvitje të karateistëve dhe ne si klube nga Anamorava, kryetarit të ri i urojmë suksese dhe së bashku urojmë t’ja arrijmë qëllimet tona”, ka bërë të ditur Alban Beqiri, trajner i KK “AS”./rajonipress/

Shpërndaje.
© RAJONIPRESS