Eko Higjiena

Kryetari Haziri telegram ngushëllimi për familjen e profesorit Kadri Bislimi

/ 2 minuta lexim

Gjilan – Kryetari i Komunës së Gjilanit, Lutfi Haziri, me rastin e ndarjes nga jeta të profesorit Kadri Bislimi, ka dërguar telegram ngushëllimi familjes Bislimi, e përmes tyre të gjithë qytetarëve të Gjilanit dhe kolegëve të tij me të cilët ai ka punuar gjithmonë.

Në telegramin e ngushëllimit thuhet:

E nderuara familje Bislimi, kolegë të profesorit, nxënës dhe personel arsimor që jeni njohur me profesorin, ju shpreh ngushëllimet më të sinqerta për humbjen e një njeriu me virtyte të larta.

Emri i Kadri Bislimit gjithmonë do të mbetet i freskët në kujtimet tona, sepse ai pas vetes ka lënë një përkushtim dhe përvojë të jashtëzakonshme në fushën e arsimit në përgjithësi, që me pedanteri si gjithmonë ka lënë shembull të një profesori të veçantë.

Atë e gjejmë aktiv dhe shumë të vendosur që nga vitit e ’80, kur edhe ka nisur angazhimin e tij permanent në arsim me një vendosmëri të lartë, në rrugën kombëtare dhe intelektuale poashtu.

Eco Higjiena

Familja e profesorit të jeni me durim dhe ta përballoni ndarjen nga më i dashuri juaj dhe njeriu me vlerë të madhe Kadri Bislimi, sepse ai nuk është më në mesin tonë, por gjithmonë do të na përcjell me kujtimet, këshillat dhe mësimet e mira që sugjeronte vazhdimisht.

Në emër të të gjithë qytetarëve të Gjilanit, ju shpreh ngushëllime dhe ju garantojmë që do të jemi me familjen në këtë ndarje të rëndë e me dhembje sigurisht.

Lamtumirë profesor!

Kështu është thënë në telegramin që kryetari Lutfi Haziri ka dërguar në familjen Bislimi./rajonipress/