Kryesuesi i Kuvendit Naim Pira i uroi asambleisteve 8 Marsin

Viti – Me rastin e 8 Marsit- Ditës ndërkombëtare të gruas, kryesuesi i Kuvendit komunal të Vitisë Naim Pira, ka pritur në një takim asambleistet e të gjitha subjektet të përfaqësuara në kuvend.

“Ne e dimë se puna dhe kontributi juaj është mjaftë i madh, andaj kjo pritje dhe urimi për ju është vetëm një simbolikë sepse meritoni shumë për gjithë veprimtarin që bëni. Unë ju falënderoj për bashkëpunimin dhe kontributin që po jepni në Asamblenë komunale. Jeni edhe shembull e bashkëpunimit të mirë ndërpartiak mund të them edhe në Kosovë, andaj ju përgëzoj për punën dhe angazhimin tuaj” tha Pira.

Në emër të këshilltareve komunale, kryesuesin e Kuvendit e falënderoi Selvije Rexhepi nga Nisma e cila theksoi se gratë në Kuvend, janë të angazhuara që të përkrahin proceset që kanë për qëllim mirëqenien e qytetarëve që i përfaqësojnë në Kuvend.

Kryesuesi i Kuvendit më pas u ka ndarë edhe nga një dhuratë për gjitha këshilltaret e Kuvendit me rastin e 8 Marsit./rajonipress/