Kryeprokurori i Prokurorisë Themelore në Gjilan ka pritur në takim Kryeshefen Ekzekutive të IPK-së

Gjilan – Kryeprokurori i Prokurorisë Themelore në Gjilan, Jetish Maloku, sot ka pritur në takim, Kryeshefen Ekzekutive nga Inspektorati Policor i Kosovës, Miradije Kelmendi.

Takimi i zhvilluar kishte për qëllim zotimin për bashkëpunim të mëtutjeshëm, në mes këtyre dy institucioneve, duke ofruar mbështetje të ndërsjellë, në mënyrë që të sigurohet efikasitet, duke kontribuar në arritjen e objektivave të përbashkëta.

Përveç tjerash, u vlerësua edhe çështja e shkëmbimit të informacioneve sa i përket zhvillimit të operacioneve të përbashkëta, të realizuara deri më tani dhe u theksua se edhe më tutje do të vazhdojë një koordinimi i tillë, me qëllim të luftimit të dukurive negative.

Duke pasur parasysh bashkëpunimin e deritanishëm, në fund të takimit, Kryeprokurori Maloku dhe Kryeshefja Kelmendi, u shprehën të gatshëm edhe më tej për përkrahje reciproke, drejt avancimit të sundimit të ligjit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).