Kryen 114 grabitje në banesat e italianëve, arrestohen 20 shqiptarë

114 vjedhje të kryera në pjesën veriore të Italisë është bilanci i hetimeve të kryera për një bandë shqiptarësh në shtetin fqinj, hetime të nisura nga vitit 2015. 20 persona kanë rënë në pranga, të gjithë të kombësisë shqiptare.

Banda e shqiptarëve ka kryer vjedhje që kapin vlerën e rreth 2 qind mijë euro. Ata ishin të ndarë në dy organizata të ndryshme duke vepruar në mënyra të ndryshme por me të njëjta objektiva: Vjedhjen në apartamente, shkruajnë mediat italiane.

Nga 114 vjedhjet, 53 janë bërë në Trentino, 14 në Alto Adigo dhe 48 në provincën e Milanos, Bergamo, Brescia, Parma, Verbania dhe Alesandri.

Karabinierët kanë sekuestruar edhe 25 mijë euro, qindra bizhuteri ari, gurë të çmuar dhe një pistoletë me dy karikatorë dhe 21 fishekë, e cila rezultoi se ishte vjedhur në 25 dhjetor të 2015-ës në Riva del Garda. Giuseppe Amato, prokurori i Trentos tha se bëhet fjalë një operacion që i përgjigjet kërkesave për siguri që kanë qytetarët për një nga krimet më monstruoze, për shkak të gjendjes së mërzisë që krijon të shohësh shtëpinë tënde të shkatërruar, përveç dëmit ekonomik”.

Para se të grabisnin autorët bënin edhe nga një foto “selfie”.

(Kosova Sot)