Kryeministri Isa Mustafa takon Lutfi Hazirin, flasin për projektet zhvillimore

Gjilan – Kryeministri Isa Mustafa i shoqëruar edhe nga ministrat e tij ka takuar Lutfi Hazirin dhe tërë kabinetin e tij. Haziri tha për rajonipress se me kryeministrin do të flasin për projektet zhvillimore dhe ato të infrastrukturës. Isa Mustafa pritet që gjatë ditës të takojë edhe tre biznese të Gjilanit.

Kryeministri i vendit i shoqëruar nga ministrat Lutfi Zharku, Adnan Abrashi, Memli Krasniqi ka arritur në Gjilan të enjtën ku fillimisht ka takuar Lutfi Hazirin dhe stafin e tij.

Mustafa dhe Haziri pritet të flasin për projektet e mëdha zhvillimore dhe ato të infrastrukturës raporton rajonipress.

Lutfi Haziri tha për rajonipress se Gjilani dhe Anamorava do të përkrahen nga Qeveria e Kosovës e cila me ardhjen në krye të Isa Mustafës ka premtuar projekte që zhvillojnë dhe avancojnë jetën e këtij regjioni. “Në veçanti do të fokusohemi në projektet në infrastrukturë dhe ato në bujqësi, ekonomi e projektet tjera që janë domethënëse për Gjilanin” tha Haziri./rajonipress/