Kryeministri Hoti thotë se është siguruar që marrëveshja s’është e gatshme kur të shkoj në Shtëpi të Bardhë

Kryeministri i Republikës së Kosovës, Avdullah Hoti, ka thënë se qysh në fillim të marrjes së mandatit është interesuar dhe i ka pyetur partnerët ndërkombëtarë se në çfarë stadi është procesi i dialogut sa i përket arritjes së një marrëveshje finale me Serbinë.

Kreu i ekzekutivit thotë se pas diskutimeve që ka pasur ka marrë garancinë e miqve ndërkombëtarë se nuk ka një marrëveshje të tillë të gatshme dhe se procesi drejt arritjes së një marrëveshje finale nuk është askund.

Këto deklarata Hoti i ka bërë në një panel diskutimi kur është pyetur se çfarë do të bëjë nëse në Washington i servohet një marrëveshje e gatshme.

Ndërkombëtarët sipas Hotit kanë thënë që duhet rifilluar dialogu, meqë procesi ka ngecur dhe s’ka kurrfarë arritje.

“Ky ka qenë shqetësimi im në komunikim me ndërkombëtarët kur kam marrë detyrën. Jam interesuar dhe i kam pyetur se ku ka arritur ky proces, sa i përket marrëveshjes përfundimtare. Përgjigja e tyre e prerë ka qenë se s’ka arritur askund. Ata kanë thënë se ju duhet të filloni procesin e arritjes se marrëveshjes përfundimtare”, ka thënë kreu i Qeverisë.

Ai thotë se si përfaqësues i ekzekutivit nuk është në dijeni që ka ndonjë draft për marrëveshje të gatshme dhe sipas tij kjo e ka bërë edhe më të lehtë punën për kornizimin dhe vendosjen e parimeve mbi të cilat mund të arrihet marrëveshja finale kur të udhëtojnë për në Ëashington më 27 qershor. Si kryeministër nuk jam në dijeni që ka ndonjë draft të marrëveshjes. Kjo e ka bërë të lehtë punën tonë, për të kornizuar qasjen tonë. Në shkojmë në Ëashington dhe propozojmë parimet tona mbi të cilat mund të arrihet marrëveshja përfundimtare”, ka thënë kryeministri Hoti./GazetaExpress/