Kryeministri Haradinaj viziton fshatin Miresh në Gjilan

Gjilan – Kreu i AAK-së, njëherit kryeministri i Republikës së Kosovës, Ramush Haradinaj, i shoqëruar nga kandidati për kryetar të Gjilanit, Rexhep Kadriu, dhe bartësi i listës së kandidatëve për asamble komunale, Ibish Ibishi dhe shumë qytetarë nga ky lokalitet, vendosi kurora lulesh në lapidarin e dy dëshmorëve. Në këtë vizitë Haradinaj u takua edhe me familjarë të dëshmorëve.

Kryeministri Haradinaj u zotua se do të përkujdeset që familjet e dëshmorëve, invalid e veteranë të luftës së UÇK-së, të kenë tretman ndryshe institucional, sepse deri më tani këto kategori të dala nga lufta, nuk kanë gëzua përkujdesje të merituar institucionale./rajonipress/