Kruajtja është më ngjitës se sa e qeshura dhe gromësima

Kur e shikojnë dikë duke u kruar, madje dy të tretat e njerëzve nuk mund t’i rezistojnë shtytjes që edhe vetë të fillojnë.

Shkencëtarët tani besojnë që kanë gjetur arsyen për shkak të së cilës kruajtja është kaq infektuese. Siç thonë, krejt varet nga emocionet.

Hulumtimi ka zbuluar që njerëzit të cilët janë më të prirë ndaj kruajtjes infektuese po ashtu janë më të prirë edhe ndaj ndjenjave negative. Sa më stabil të jetë personi emocionalisht, më lehtë do t’i rezistojë dëshirës që të kruhet pasi që sheh që këtë e bën edhe dikush tjetër.

Në hulumtim kanë marrë pjese 51 vullnetarë. Para testimit të gjithë kanë plotësuar anketat, ndërsa pastaj u është skanuar aktiviteti i trurit derisa kanë shikuar incizimin i cili i ka treguar njerëzit se si kruhen. Skanimi ka treguar që shikimi i dikujt duke u kruar aktivizon fushat e njëjta të trurit të cilat janë të lidhura edhe me ndjenjën e vërtetë të kruajtjes.

Të kuptuarit e mekanizmave të këtij procesi mund të çojë deri te shërimi më i mirë personave që vuajnë nga ndjenja kronike e kruajtjes, për të cilën nuk ekziston ndonjë arsye dermatologjike./Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).