Kroacia në panik: Serbia ka xhirime të presidentes kroate tek bën seks me spiunin serb?!

Kolinda Grabar Kitaroviq në vitin 2013 ishte ndihmëse e Sekretarit të Përgjithshëm i NATO-s në Bruksel, ndërsa ka qenë në një lidhje jashtëmartesore me një spiun serb. Nga frika se shërbimi sekret serb ka xhirime seksuale të saj, shërbimi sekret kroat (SOA) është në panik.

“Presidentja nuk e dinte se kush është i dashuri i saj. Ajo mendonte se ai merrej me pasuri të patundshme dhe se ishte trashëgimtar i një tregtari të pasur të Beogradit… Kolinda me të ishte për disa muaj në lidhje jashtëmartesore. Ata u takuan në apartamente private në Bruksel, që ka të ngjarë të jenë mbuluar nga kamerat! Dyshohet se presidentja është xhiruar në poza eksplicite. Lidhjet tona nga shërbimi serb thonë se xhirimet janë arkivuar dhe se pritet momenti që ato të dalin në publik”, thotë një diplomat i lartë perëndimor.

Bozhidar Spasiq, ish-operativ i DB-së, thotë se Kolinda është grua shumë e bukur, e cila në vetvete ka “një problem të sigurisë”.

“Edhe funksioni i saj në NATO ishte i shërbimit informativ. Dy agjentë, edhe nëse janë në lidhje emocionale, nuk e harrojnë punën. Puna e tyre ishte në mbledhjen e informatave. Prandaj, nuk mund të përjashtohet mundësia që shërbimi serb ka kaseta të seksit të agjentit të vet dhe të Kitaroviqit”, thotë ai duke shtuar se “informatat në krevat veprojnë sipas parimit: ti mua e unë ty”! /Telegrafi/