Kritikon Hekuran Kryeziu: Dy-tre lojtarë u lënduan, nuk është lehtë të stërvitet në këtë fushë

Përfaqësuesja e Kosovës në futboll sot përfundoi stërvitjet në “Agron Rama” të Obliqit.

Futbollistët u stërviten në një terren që nuk ishte aspak i mirë, tha për supersport mesfushori Hekuran Kryeziu.

“Ishte mirë [stërvitja], por i kemi dy-tre lëndime të vogla, ishalla nuk janë shumë të rënda,” u shpreh Kryeziu.

“Nuk është lehtë [të stërvitet] në këtë fushë, lojtarët janë mësuar në tjera fusha, mirëpo në këtë situatë jemi.”

Sportali më herët raportoi për një lëndim të mbrojtësit Avni Pepa në stërvitjen e sotme.

Pepa e pësoi keq pas një dueli me Milot Rashicën, me stafin mjekësor që u desh të intervenonte.

Ndër të tjerash, edhe Valon Berisha u pa duke u stërvitur ndaras nga grupi, në tentativë që të rikuperohet në kohë për ndeshje.

Kujtojmë se Kosova zhvillon ndeshje kundër Turqisë më 11 qershor.

(Kosova Sot)