Kritikohet paraqitja e Mustafit

Mbrojtësi shqiptar Shkodran Mustafi, është kritikuar ashpër nga mediat gjermane në ndeshjen e zhvilluar ndaj Ganës në barazimin 2:2. Mediat gjermane kanë fajësuar Mustafin në dy golat e shënuar të skuadrës gjermane. Madje ai është notuar me notën më të vogël në këtë ndeshje

Paraqitja e mbrojtësit shqiptar Shkodran Mustafit në ndeshjen ndaj Ganës është kritikuar shumë nga mediat gjermane. Gjermania nuk arriti të shënoj fitore në këtë përballje duke barazuar 2:2 me ganezët. Mustafi u paraqit në këtë ndeshje në 45 minutat e pjesës së dytë, por, paraqitja e tij nuk është vlerësuar me nota pozitive nga mediat gjermane.

Në golin e parë të shënuar me kokë nga Ayew me kokë, Mustafi ishte pranë tij por, nuk ka arritur të bëjë diçka më shumë për të evituar golin e shënuar. Edhe në golin e dytë të shënuar nga futbollistët ganez të shënuar nga Gyan, ka qenë vet mbrojtësi shqiptar që e ka mbajtur atë në lojë dhe duke mos e llogaritur në pozitë jashtë loje nga gjyqtari anësor.

Mediat gjermane e kanë notuar me notën pesë paraqitjen e Mustafit në këtë ndeshje dhe ishte nota më e vogël e dhënë për futbollistin shqiptar. “Njëri ndër zbulimet e vonshme të botërorit. Ai është dashur të ndalojë barazimin me më shumë agresivitet. Kaloi më shumë në ofanziv se Boateng që e zëvendësoi”, shkruan Bild.