ARKATANA

Kritikat e QUINT-it për shpronësimet në veri, Osmani: Në përputhje me ligjet dhe Kushtetutën, ka hapësirë që tu shpjegohet më shumë partnerëve tanë

/ 2 minuta lexim
Eco Higjiena

Presidentja e vendit, Vjosa Osmani ka folur lidhur me shpronësimet në veri të vendit, për të cilat një ditë më parë reagoi edhe QUINT-i, ku theksohet se Qeveria ka shkelur ligjet dhe rregulloret e veta për shkak të mangësive procedurale dhe teknike gjatë procesit të shpronësimit.

Osmani në një deklaratë për media pas vizitës në komunën e Drenasit tha se çështja e shpronësimeve ka rregulla të caktuara dhe këto rregulla jo vetëm që përcaktohen me ligje tona, por edhe me standardet evropiane të Gjykatës Evropiane për të Drejtat e Njeriut.

“Çështja e shpronësimeve ka rregulla të caktuara dhe këto rregulla jo vetëm që përcaktohen me ligje tona, por edhe me standardet evropiane të Gjykatës Evropiane për të Drejtat e Njeriut.

Për aq sa respektohen këto standarde është një test pesë hapësh i paraparë nga vendimet e Gjykatës Evropiane për të Drejtat e Njeriut përderisa respektohet ky standard dhe të gjithë pesë hapat janë aplikuar kjo tregon se është zbatuar edhe ligji ynë edhe kërkesat tona Kushtetuese edhe standardet evropiane të drejtave të njeriut dhe shpronësimet vazhdojnë në përputhje me ligjin pa asnjë tendencë për diskriminim të askujt”, ka theksuar ajo, raporton Telegrafi.

ARKATANA

Sipas saj, është e domosdoshme për sigurinë e të gjithëve që veriu i Kosovës të mbrohet nga sulmet e Serbisë dhe në mënyrë që Kosova të mbrohet ka nevojë për prezencë të institucioneve tona të sigurisë.

“Prandaj, përderisa shpronësimet janë në përputhje të plotë me ligjet, Kushtetutën dhe pesë hapat që janë standard i Gjykatës Evropiane për të Drejtat e Njeriut, si presidente ndoshta ka ende hapësirë për komunikim që të shpjegohen këto çështje në detaje nga institucionet përgjegjëse tek partnerët tanë …”, tha ajo.

E para e shtetit tha se nuk sheh asnjë tendencë për diskriminim të askujt. Presidentja tha tutje se e kanë për të detyrë të mbrojnë çdo qytetar të Kosovës pa dallim etnie dhe të mbrojnë çdo cep të Kosovës. /Telegrafi/