Kreshnik biri i Kosovës

Nga Selvete Abdullahu

Ty që fale lojën fëmijërore
Dhe u nise drejtë yjeve duke hapëruar me buzëqeshje
E gëzimin u fale stinëve që të lulëzojnë
Me valëzimin e qiellit roje iu bëre ditës e natës
E shkëlqim i fale tokës atërore
Me babë e gjysh tre breza gjaku mori
Me fjalën Liri emri yt u skalit
Në çdo gurë e mur mbete rreze dielli
I pa perënduar
Si nurë je sot në përvjetor të ditëlindjes sate
Në madhështinë e festës zgjuar të shoh
Si ylber pikturon qiellin e atdheut
Që i fale çdo çast fëmijëror
Me dashuri engjëlli
Ti lule shumë ngjyrësh që kurrë nuk vyshkesh
Në lapidarin e kohës mbete i ri
Nuk je vetëm i familjes dhe shoqërisë sate
Je i të gjithëve
I atdheut në përjetësi
Kreshniku i kohës kreshnike