Krasniqit i duhen vetëm edhe 300 gram, po bëhet gati për sfidën e së premtes

Boksieri shqiptar, Haxhi Krasniqi të premten do ta ketë luftën e tij të rëndësishme përball Jurgen Doberstein

Krasniqi duhet t’i shtoi 300 gram deri të premten për meçin e rëndësishëm ndaj gjermanit, Jurgen. E mënyra si po përgatitet për këto gram tregojnë fotot ku ai shihet me një copë të madhe të mishit, transmeton Indeksonline.

“Mishi tani është buka ime”, ka thënë Krasniqi për Bild.

Kundërshtari i Krasniqit është mjaftë i rrezikshëm, ku ka 20 fitore e dy humbje dhe një barazim, por për Haxhi Krasniqin një fitore do të ishte një hap i madh për titullin botëror.

“Unë do të bëjë presion qysh në raundin e parë. Një fitore është një hap i madh për titullin botëror”, shtoi Krasniqi.

Të premten në “Saarburckener Saarlandhalle”, luhet meçi i rëndësishëm i Haxhi Krasniqit në prani të 3000 tifozëve. Meçi parashihet të filloj nga ora 19:00./Indeksonline/