Krasniqi: Ushtria s’do të ishte e tillë pa vendosmërinë e Thaçit dhe të Veselit

Kryetari i PDK-së Memli Krasniqi u ka dhënë merita dy ish-liderëve, Hashim Thaçit dhe Kadri Veselit, për formimin e ushtrisë.

Krasniqi ka thënë se ushtria që u formua para tre vjetëve, nuk do të ishte e tillë pa insistimin dhe vendosmërinë për formimin e saj edhe nga dy liderët, Kadri Veseli, atëherë kryetar i Kuvendit të Kosovës dhe ish-presidenti Hashim Thaçi.

“Ushtria jonë, që çdo ditë po e dëshmon veten me nivelin e lartë të përgatitjes profesionale dhe përvetësimit të standardeve të NATO-s, nuk do të ishte e tillë pa insistimin dhe vendosmërinë për formimin e saj edhe të dy liderëve tanë historikë, Kadri Veseli, atëherë kryetar i Kuvendit të Republikës së Kosovës dhe ish-presidenti Hashim Thaçi”, ka shkruar Krasniqi.

Ai ka shtuar se Ushtria e Kosovës është krenaria jonë e përhershme. /Zëri/