Krasniqi: PDK-ja voton pro mocionit të mosbesimit, ky është akt i vetë-dorëzimit të Kryeministrit dhe Qeverisë

Në Kuvendin e Kosovës, po mbahet seanca plenare për mocionin e mosbesimit ndaj Qeverisë Kurti, të inicuar nga Lidhja Demokratike e Kosovës.

Në këtë seancë, deputeti i Partisë Demokratike të Kosovës, Memli Krasniqi tha se ky koalicion e ka dëshmuar papërgjegjësinë e vet, me kohën e gjatë që ka marrë për formimin e koalicionit dhe institucioneve.

Krasniqi tha se kryeministri Albin Kurti e ka vulosur vet fatin politik dhe këtë e cilësoi si një akt vetdorëzimi para përgjegjësive.

“Partia Demokratike e Kosovës do të votojë pro mocionit të mosbesimit, jo vetëm sepse është në krye të opozitës dhe përshkrimi i natyrshëm i punës së çdo opozite të një vendi demokratik është që t’ia shkurtoj sa më shumë jetën qeverisë, por edhe sepse me të vërtetë kjo ka qenë qeveria më e paaftë e historisë së demokracisë së Kosovës dhe meriton të ikë sa më shpejtë”, tha Krasniqi. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).