Krasniqi: Kurti duhet t’u tregojë të vërtetën qytetarëve për situatën në veri

Kreu i PDK-së, Memli Krasniqi ka reaguar pas situatës së krijuar në veri të vendit.

Ai ndër të tjera u shpreh se është tejet i shqetësuar me zhvillimet e fundit, duke thënë se është obligim i Qeverisë t’ua sqarojë çfarë është duke ndodhur realisht në veri, raporton Zeri.info.

Krasniqi ka kërkuar nga kryeministri Kurti që t’u drejtohet qytetarëve për t’i njoftuar me ngjarjet që po ndodhin në veri.

“Prandaj, kërkoj nga kryeministri i Kosovës, Albin Kurti, që t’ju drejtohet qytetarëve për t’i njoftuar për seriozitetin e situatës dhe për hapat që do të ndermarrin institucionet e vendit për të garantuar ruajtjen e rendit publik, jetës së qytetarëve dhe sovranitetit të vendit.

Situata është duke ndryshuar nga ora në orë dhe rreziku i përshkallëzimit është evident. Kjo duhet të shmanget dhe qëllimi duhet të jetë ruajtja e paqes dhe sigurisë”, shkroi ai. /Zëri

Shpërndaje.
© RAJONIPRESS