UBT

Krasniqi i përgjigjet Kurtit: Nënshkrimet e PDK-së i ke gati nesër, shkojmë në zgjedhje

/ 2 minuta lexim
Uji Dea

Kryetari i Partisë Demokratike të Kosovës, Memli Krasniqi i është përgjigjur kryeministrit Albin Kurti i cili sonte në televizionin publik tha se kur të dojë opozita vendi mund të shkojë në zgjedhje.

Lideri i PDK-së fton kryeministrin Kurti që nga nesër menjëherë të nisë procesin e zgjedhjeve të jashtëzakonshme duke u zotuar sërish që nënshkrimet e deputetëve të PDK-së për shpërndarje të Kuvendit janë gati që nesër.

Kryetari i PDK-së tha se prej viti të kaluar, PDK në vazhdimësi ka kërkuar zgjedhje.

“Kryeministër, prej korrikut të vitit të kaluar të kam bërë thirrje e të kam pritë me e shpërnda Kuvendin dhe me shku në zgjedhje sa më shpejt. Prej nesër nënshkrimet e PDK-së janë gati! Çohu shkojmë në zgjedhje menjëherë – nëse ke guxim e të ka mbetë sadopak ndërgjegje për situatën e vështirë në të cilën e ke sjellë vendin”, ka thënë lideri i PDK-së në faqen e tij në Facebook.

Mobi Casa

Edhe kreu i LDK-së Lumir Abdixhiku, ka komentuar deklaratat e kryeministrit Kurti lidhur me mbajtjen e zgjedhjeve të ardhshme.

Kreu i LDK-së i është përgjigjur duke thënë se “Kurti është dorëzuar dhe duhet të jap dorëheqje”.

“Nëse është dorëzuar dhe duket se është dorëzuar, le të jep dorëheqje. Por nëse është dorëzuar, le të jep dorëheqje pse ta komplikojë”, ka thënë Abdixhiku në emisionin Pressing në T7.

“LDK nuk bënë mocion për shpërbërje të Kuvendit, por është e gatshme për zgjedhje dhe për qeverisje pas zgjedhjeve”, ka thënë Abdixhiku./Telegrafi/