UBT

Krasniqi i PDK-së: Qeveria ka vendosur ta kalojë mandatin me një urë 3-metërshe

/ 1 minutë lexim

Sot Kryetari i PDK-së ka kritikuar Qeverinë e Albin Kurti për ngecje në projektet infrastrukturore.

Sipas tij, Qeveria e Kosovës ka vendosur ta kalojë mandatin pa ndonjë investim të madh që përmirëson jetën e qytetarëve.

“Qeveria e cila është zgjedhur për të punuar, me përjashtim të urës 3-metërshe në Saradran të Istogut, ka vendosur ta kaloj mandatin e saj pa asnjë projekt që përmirëson konkretisht dhe denjësisht jetën e qytetarëve tanë”, ka shkruar Krasniqi të dielën në Facebook.

Fundamenti

Ai krahasoi punën e Qeverisë së Kosovës me atë të Maqedonisë së Veriut ku përmendi ndërtimin e korridorit 8 në Maqedoni të Veriut – autostradës që pritet të lidhë vendbanimet shqiptare prej Tetovës, Gostivarit, Kërçovës, Bokujçanit, Strugës e deri në Qafëthanë.

Lidhur me këtë Krasniqi i ka përgëzuar për këtë projekt kryetarin e BDI-së, Ali Ahmeti, por edhe Zëvendës Kryeministrin Artan Grubi.