Krasniqi: Gjykata Kushtetuese na dërgoi në zgjedhje të parakohshme

Jakup Krasniqi tha se Gjykata Kushtetuese nuk i hapi rrugë zgjidhjes së ngërçit politik dhe institucional në vend. Krasniqi tha se Kushtetuesja la vetëm një mënyrë, shkuarjen në zgjedhje.

“Nëse mbetet ky vendim, unë mendoj se Gjykata Kushtetuese nuk i ka hap rrugë zgjidhjes së një ngërçi politik, siç po quhet, apo edhe institucional dhe në këtë mënyrë, e ka lënë vetëm një mënyrë, mënyrën e shkurjes në zgjedhje të reja dhe konsideroj që kjo është diçka që nuk i duhet Kosovës”, tha Krasniqi.

E kjo, pasi, siç thotë ai, të gjithë e dinë se PDK nuk i ka numrat.

“Tanë e dimë që Partia që ai po i thotë se është Grupi më i madh parlamentar nuk i ka numrat e mjaftueshme për të zgjedh kryetarin dhe organet tjera që do duhej të dilshin nga Kuvendi i Kosovës”, tha Krasniqi.