Eko Higjiena

Krasniqi: Afera e grurit është vulë e mentalitetit qeverisës të këtij pushteti, zgjedhjet, zgjidhja e vetme

/ 2 minuta lexim
Uji Dea

Kryetari i PDK-së, Memli Krasniqi, ka reagaur pas përgjimeve të publikuara sot, ku e përfshirë dyshohet të jetë ministrja e Industrisë, Ndërmarrësisë dhe Tregtisë, Rozeta Hajdari, e që kanë të bëjnë me rezervat shtetërore.

Krasniqi tha se nga keqpërdorimi i qindra miliona eurove në energji, sot Qeveria Kurti, ka futur duart edhe në sofrat e qytetarëve, duke vjedhur edhe produktet bazike ushqimore të rezervës shtetërore.

“Afera e fundit – afera e grurit – është vulë e mentalitetit qeverisës të këtij pushteti të përqëndruar në korrupsion e keqpërdorim. Nuk ka ku shkon më poshtë se kaq. Apo ka?”

Uji Dea

“Në dëm të interesit të shtetit dhe qytetarëve, kjo Qeveri u koordinua edhe me një kriminel si Radojçiqi. Kundër shtetit dhe të ardhmes së qytetarëve, kjo Qeveri i tensionoi raportet me aleatët tanë ndërkombëtarë. Kjo tufë keqbërësish i solli edhe sanksione Kosovës, ndërsa politikat e tyre të çoroditura po e shpopullojnë vendin anembanë – vetëm gjatë qeverisjes së Albin Kurtit gati 150 mijë qytetarë e kanë lëshuar vendlindjen në kërkim të perspektivës diku në shtetet perëndimore”, tha Krasniqi.

Tutje, ai tha se derisa aferat dhe skandalet korruptive, sipas tij, po shumëfishohen, tri nga elementet bazë që e përbëjnë shtetin, transparenca, llogaridhënia e drejtësia, po i mungojnë Kosovës.

“Kjo Qeveri nuk përfaqëson më vullnetin e qytetarëve. Kjo Qeveri nuk i mbron më interesat e shtetit. Zgjedhjet e reja dhe rikthimi i mandatit tek qytetarët janë e vetmja zgjidhje përpara. Sa më parë, aq më mirë – edhe për shtetin edhe për qytetarët”, tha Krasniqi.