KQZ: Në Gjilan deri në orën 15:00, votuan mbi 34 mijë qytetar, prin Kllokoti

Sipas të dhënave të Komisionit Qendror të Zgjedhjeve, deri në orën 15:00 në Komunën e Gjilanit kanë votuar 34 mijë e 188 persona, ose 12. 35 për qind e tyre. Në listën e votuesve figurojnë 94 mijë e 268 persona për të drejtë vote.

Numër më i madh i votuesve në rajonin e Anamoravës është raportuar nga KQZ të ketë dal në Komunën e Kllokotit, me një përqindje prej 48.29. Kllokoti ka gjithsej 3 mijë e 297 votues, ndërkaq deri më tani kanë dal të votojnë 1 mijë 592 qytetarë.

Ndërsa në Komunën e Ranillugut kanë dal në votime 40.91 për qind e qytetarëve. Në Ranillug figurojnë 5 mijë e 532 persona me të drejtë vote, ndërkaq deri më tani kanë dal 2 mijë e 263 persona.

Në komunën e Kamenicës, deri më tani, kanë votuar 13 mijë 491 qytetarë, nga 37 mijë e 376 me të drejtë vote, shprehur në përqindje llogaritet që deri më tani kanë votuar 36.82 për qind.

Në komunën e Vitisë, figurojnë 46 mijë e 246 persona me të drejtë vote, ndërsa deri më tani kanë votuar 13 mijë 205 persona, apo 31. 70 për qind e votuesve.