Kqiku: Lëvizjet janë bërë në dobi të qeverisjes efektive

Gjilan – Salih Kqiku është drejtori i parë që është lëvizur nga drejtoria e financave për të kaluar në zyrën e prokurimit, njëri nga vendet më të ndjeshme dhe më të përfolur. Kjo lëvizje sipas Kqikut po bëhet për të mirën e Komunës dhe për të mirën e qeverisjes më efikase.

Salih Kqiku është kuadri i parë që është lëvizur nga një drejtori në tjetrën si pjesë e formatizimit të qeverisjes Haziri raporton rajonipress.

Derisa opozita e ka vlerësuar si të dyshimtë këtë potez të Hazirit vet Salih Kqiku tha për rajonipress se kjo lëvizje është bërë për të mirën e qeverisjes komunale. “Unë jam kuadër profesionist dhe ku kam shkuar kam dhënë kontributin tim profesional. Gjendjen së pari nuk e kam gjetur mirë në drejtorin e zhvillimit ekonomik që është udhëhequr nga Riad Rashiti, pastaj kam kaluar në drejtorin e financave, ku edhe aty kam gjetur defekte, për të kaluar tani në prokurim” ka sqaruar Kqiku.

Kqiku tha se këto lëvizje janë normale dhe vet Lutfi Haziri ka prekur tek kuadrot më të afta dhe të profesionalizuara me të vetmin qëllim që të avancohen shërbimet komunale. “Unë kam raporte të mira me Hazirin dhe realisht sektori i prokurimit është vlerësuar se ka nevojë për një inxheksion profesional dhe kam pranuar ta marrë këtë detyrë. Prokurimi është vendi më i ndjeshëm dhe më i përfolur dhe kjo ka qenë arsyeja që Haziri ka dashur që këtë sektor ta udhëheq një njëri profesionist” tha Kqiku./rajonipress/