KPF jep propozimet për emërtimin e katër shkollave të reja

Gjialn – Pas propozimeve të anëtarëve të KPF-së, veç e veç, u hodhën në votim propozimet e Këshillit të Shkollave gjegjëse, me ç’rast me shumicë votash, KPF vendosi që këto propozime t’i propozoi DKA për emërtimin e shkollave, si në vijim:
Për Gjimnazin e ri – Xhavit Ahmeti
Shkolla fillore Lagja VIII – Nazmi Hoxha
Shkolla fillore Lagja II – Sadulla Brestovci
Shkolla fillore e Zabelit të Sahit Agës – Ismajl Kadri

Në takimin e sotëm të Komitetit për Politikë dhe Financa (KPF), të udhëhequr nga Elisa Ymeri (në mungesë të kryesuesit Izmi Zeka), është debatuar për emërtimin e pesë shkollave (fillore dhe të mesme) në qytet, me ç’rast i ka propozuar Drejtorisë Komunale për Arsim emrat për katër shkolla.

Sipas konkluzioneve nga takimi i kaluar i KPF-së, anëtarët e KPF –së kanë pas një javë kohë t’i shqyrtojnë biografitë e 11 figurave të shquara nga fusha e shkencës, arsimit, kulturës, të cilat propozime janë dhënë nga Këshillat e shkollave përkatëse, për të propozuar pastaj KPF DKA-së, e kjo e fundit sipas ligjit, i rekomandon Ministrisë së Arsimit Shkencës e Teknologjisë (MASHT) për vendosje.

Në mesin e propozimeve për emërtimin e pesë shkollave të Gjilanit (Gjimnazi i ri, shkollat fillore; Zabeli…, Lagja VIII dhe lagja II, si dhe shkollave e mesme e arteve), kishte të propozuar edhe emra të figurave të shquara me përmasa kombëtare. Emri i Esad Mekulit, i propozuar nga Kryetari i Komunës Qemajl Mustafa, për emërtimin e Gjimnazit të ri, ndonëse u arsyetua veprimtaria e Esad Mekulit, nuk hasi në përkrahje nga shumica e anëtarëve të KPF-së, me arsyetimin se do t’i japin përparësi emrave që i përkasin komunës së Gjilanit.

Kryetari i Komunës ishte kritik në vendosjen vetëm për emrat e figurave të Komunës së Gjilanit, që siç tha ai, duhet shikuar përtej interesave individuale, farefisnore e interesave tjera. “Duhet dhënë hapësirë emrave nga fusha të caktuara të jetës shkencore, të arsimit, kulturës, artit, etj, që i bëjnë nderë jo vetëm Gjilanit, por mbarë hapësirës shqiptare”, duke përmendur emrat si Esad Mekuli, Aleksandër Moisiu, etj.

Pas propozimeve të anëtarëve të KPF-së, veç e veç, u hodhën në votim propozimet e Këshillit të Shkollave gjegjëse, me ç’rast me shumicë votash, KPF vendosi që këto propozime t’i propozoi DKA për emërtimin e shkollave, si në vijim:
Për Gjimnazin e ri – Xhavit Ahmeti
Shkolla fillore Lagja VIII – Nazmi Hoxha
Shkolla fillore Lagja II – Sadulla Brestovci
Shkolla fillore e Zabelit të Sahit Agës – Ismajl Kadriu
Ndërsa nuk u vendos për emërtimin e shkollës së Arteve, ngase siç deklaruan shumica e anëtare të KPF-së, disa emra të propozuar (Adem Kastrati, Onufër Neokastriti dhe Musli Mulliqi), si emra nuk janë mjaftë të njohur për ne. Ndaj, KPF vendosi që për emërtimin e shkollës së Arteve të vendos në takimin e ardhshëm (javën e ardhshme)./rajonipress/