KPF e Kamenicës aprovon propozimin për punimin e hartave zonale

Kamenicë – KPF, ka aprovuar propozimin nga Drejtoria e Urbanizmit dhe Planifikimit Hapësinor, lidhur me punimin e hartave zonale të hyjnë si pikë e rendit punës në seancën e parë të kuvendit.

Komiteti për Politikë e Financa(KPF) ka mbajtur mbledhjen e parë për këtë vit kalendarik. Mbledhjen e kryesoi kryesuesi i këtij komiteti z. Bajram Dërmaku, ndërsa të pranishëm ishin Kryetari i Komunës, Begzad Sinani, si dhe ekipi komunal i OSBE-së.

KPF ka shqyrtuar Draftin e planit të mobilitetit, Shqyrtimin e draft rregullores për plotësimin dhe ndryshimin e rregullores nr. 5184 të datës 06.11.2012, për ndarjen e subvencioneve, si dhe pika të ndryshme.

KPF, aprovoi propozimin nga Drejtoria e Urbanizmit dhe Planifikimit Hapësinor, lidhur me punimin e hartave zonale të hyjnë si pikë e rendit punës në seancën e parë të kuvendit.

Tri pikat e rendit të ditës do të shqyrtohen në mbledhjen e parë të Kuvendit Komunal./rajonipress/