KPF aprovon disa propozime të rëndësishme

Gjilan – Në mbledhjen e sotme të Komitetit për Politikë dhe Financa të gjitha pikat e parapara të rendit të ditës janë miratuar dhe kanë kaluar për në mbledhjen e radhës të Kuvendit Komunal.

Në takimin e Komitetit për Politikë dhe Financa janë propozuar për seancën e radhës së Kuvendit Komunal dhe janë aprovuar për tu dërguar tutje disa pika që kanë të bëjnë me rishqyrtimin e vendimit për kufizimin e ofrimit të shërbimeve me pagesën e faturave për mbeturina dhe ujë.

KPF ka vendosur dhe shqyrtuar propozim-vendimin për ndryshimin dhe plotësimin e rregullores për organizimin dhe bashkëpunimin e komunës me fshatrat, vendbanimet dhe lagjet urbane në territorin e komunës së Kamenicës, si dhe ka shqyrtuar propozimin për ndarjen e mirënjohjeve për këshilltarët e përbërjes së parë të Kuvendit të komunës së Kamenicës, të zgjedhur pas vitit 1999,e propozuar nga Kryesuesi i Kuvendit Komunal Enver Mavriqi që këto mirënjohje të ndahen për nder të 100 Vjetorit të Pavarësisë së Shqipërisë.

Gjithashtu anëtarët e KPF-së kanë aprovuar edhe ridestinimin e mjeteve të drejtorisë së Shëndetësisë dhe Mirëqenies Sociale./rajonipress/