Kozniku se shpejti në përfaqësuesen e Kosovës?

Ish futbollisti i shquar i Kosovës, Ardian Kozniku shumë shpejt pritet të jetë pjesë e përfaqësues së Kosovës në futboll.

Njeriu që me Kombëtaren e Kroacisë, ka fituar medaljen e bronzte në Kampionatin Botëror të vitit 1198, pritet që shumë shpejt të jetë pjesë e Shtabit Teknik të përfaqësues sonë.

Burime të KosovaPress-it brenda Federatës së Futbollit të Kosovës (FFK), kanë bërë të ditur se kryetari i FFK-së, Fadil Vokrri është duke biseduar me Koznikun për mundësinë që ai të jetë pjesë e përfaqësues sonë.

“Kryetari Vokrri është duke biseduar me Koznikun për të shikuar mundësinë që ish sulmuesi i njohur të jetë pjesë e Shtabit Teknik të përfaqësues sonë”, ka thënë zyrtari i FFK-së.

Por cili do te jetë funksioni i Koznikut në përfaqësuesen tonë? Sipas zyrtarit të FFK-së, Kozniku nuk ia rrezikon pozitën selektorit aktual, Albert Bunjaku, por ish futbollisti gjakovar mund të angazhohet në cilësinë e koordinatorit të përfaqësues.

Kozniku ka disa vite që është duke e kryer zejen e trajnerit në Kroaci. Ndryshe, ish futbollisti disa skuadrave elitare në Kroaci pak ditë më parë në një intervistë për KosovaPress, ka thënë se është i gatshëm, dhe se ka bagazh të mjaftueshëm për ta ndihmuar përfaqësuesen e Kosovës, madje ai ka thënë se është i aftë edhe për të marr “timonin” e përfaqësues sonë. Kozniku kishte thënë se më dëshirën më të madhe do ta priste ftesën e Kosovës.

“Si çdo trajner unë kam shprehur gatishmërinë dhe e ndje vetën se jam i gatshëm të kontribuojë. Unë e ndjeje vetën si lojtar dhe si trajner këtyre viteve ku kam bërë gara edhe me ekipet si Dinamon apo Lokomotivon, por edhe si trajner më kategori të reja. Kështu që kam një përvojë të mirë dhe kam shijuar përvoja të shumta edhe nga gjeneratat e mëhershme dhe kam mësuar nga ta. Nuk e di kush do ta refuzojë ftesën që e thirr Kosova”, kishte deklaruar Kozniku.