Kozniku: Kroacia duhet të ketë kujdes kundër Kosovës

Ish-reprezentuesi kroat, Ardian Kozniku ka folur rreth sfidës mes kroatëve dhe përfaqësueses sonë.

Kroacia dhe Kosova do të luajnë sonte me fillim në ora 20:45 në kuadër të kualifikueseve për botërorin “Rusia 2018”.

Ish-reprezentuesi kroat, Ardian Kozniku ka folur rreth sfidës mes kroatëve dhe përfaqësueses sonë.

Gjakovari që fitoi medaljen e bronztë me kombëtaren kroate ka pohuar se Kroacia është favorite, por duhet pasur kujdes në takimin me Kosovën.

“Kur e shikon çfarë lojtarë ka Kroacia në ekip, kuptohet që është favorit dhe i madh për këtë ndeshje. Mirëpo, gjatë lojës gjithçka mund të ndodh. Kosova ka mjaft lojtarë të ri, të mirë, që do të jenë të motivuar në përballje me yjet e futbollit botëror”, ka thënë për Sportske Novosti, Kozniku.

“Po të më pyetni mua, Kroacia ka qenë favorite e madhe edhe para ndeshjes me Turqinë. Por ndeshja përfundoi 1-1. Po të luajnë Kroacia-Gjermania do t’ju thoja që do të ishte një betejë e ashpër në fushë dhe nuk do të mund ta parashikoja rezultatin. Kosova nuk ka lojtar yll, por ka futbollistë të mirë për që gjë Kroacia duhet të ketë shumë kujdes”, ka shtuar Kozniku.