Kosumi e Gyndyz flasin për bashkëpunimin në fushën e arsimit dhe të ekonomisë

Gjilan – Rektori i Universitetit “Kadri Zeka” ka pritur në takim Kryetarin e Shoqatës Kulturore nga Bursa e Turqisë. Në Universitetin “Kadri Zeka” në Gjilan ka qëndruar për një vizitë Rexhep Gyndyz, Kryetar i Shoqatës Kulturore nga Bursa e Turqisë, ku është pritur në takim nga Bajram Kosumi, rektor në Universitetin “Kadri Zeka”.

Rektori Kosumi e ka falënderuar kryetarin Gyndyz për vizitën dhe për angazhimet e tij të deritashëm për të shtuar bashkëpunimin ndërmjet Kosovës dhe Turqisë, sidomos në arsim e në ekonomi, ndërkohë që e ka informuar edhe për aktivitetet, organizimet dhe punën e Universitetit.

Njëherësh gjatë këtij takimi Kosumi dhe Gyndyz kanë bashkëbiseduar edhe për mundësinë e bashkëpunimit mes Universitetit “Kadri Zeka”, Shoqatës së Shqiptarëve për Solidaritet dhe Kulturë në Bursa të Turqisë, komuniteti Shqiptar në Turqi dhe Universiteteve të Bursës së Turqisë.

Ata shprehen gatishmërinë e lartë që të bashkëpunojnë mes vete duke shfrytëzuar çdo resurs të mundshëm që do të kontribuonte për ngritjen e nivelit akademik dhe arsimor./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).