Kosovë-SHBA, një miqësi e përjetshme

Miqësia mes Kosovës dhe Shteteve të Bashkuara të Amerikës u bë për të mos u prishur kurrë, u tha në organizimin e përvitshëm të Ambasadës amerikane në Kosovë për kremtimin e Ditës së Pavarësisë së SHBA-ve.

Me këtë rast, ambasadorja Tracey Ann Jacobson, pati një falënderim të veçantë për presidenten e Kosovës Atifete Jahjaga, të cilën e quajti shembull të udhëheqjes dhe integritetit.

“Është hera e fundit që ju pres këtu dhe prandaj do t’i bie shkurt. Faleminderit të gjithëve, në Qeveri, në shoqëri civile, në bashkësi fetare, biznese, në media, në arte… ju keni qenë pjesë e tri viteve të mia të mrekullueshme në Kosovë. Falënderim të veçantë për presidenten Jahjaga si shembull i udhëheqjes dhe integritetit. Ne kemi parë një përparim dhe sfidë, por në fund ky vend na ka lënë mbresa si një vend i ri dhe dinamik që shikon drejt të ardhmes”, tha Jacobson. “Një pjesë e zemrës sime do të mbetet gjithmonë këtu”. /Telegrafi/