Kosovari kërcënon gruan “je bërë shumë angleze”, nisin hetimet

Mediet angleze kanë raportuar për një arrestim të një refugjati shqiptar që ka kërcënuar me jetë bashkëshorten e tij, për arsyen se ajo është bërë “shumë angleze”.

Behar Kasemi, i deklaruar si kosovar, i ka thënë policisë se gruaja në Kosovë duhet “t’i bindet burrit dhe të kujdeset për fëmijët”, pasi është arrestuar për dhunë në familje. Autoritetet angleze ia kanë ndaluar tij që të kthehet në shtëpi me bashkëshorten e tij.

Zyrtari policor i cili ka intervistuar Kasemin, ka thënë se ka qenë shumë agresiv dhe e ka përshkruar bashkëshorten e tij si “shumë angleze”.

Kasemi ka bërë edhe gjeste tjera të pahijshme brenda sallës së gjykatës, ku i ka pështyrë gjykatësit gjatë procesit gjyqësor.